عمار العزاوي
مشرف عام
 عدد الرسائل : 1056
العمر : 33
العمل/الترفيه : طالب
تاريخ التسجيل : 12/01/2008
 | موضوع: شعر ...الى طالبه الجامعه  2008-01-21, 17:31 | |
| الى طالبه الجامعه
ماشايف مثل طولج بعد ماشوف
وأقنـّـع عيني بيش وتقنع وترضه
وانتي اخيالج ايغازلج من تمشين
وبعضه ايلوم بعضه وياكل ابـّـعضه
كَـبلج ماجنت شاعر غزل معروف
ولاموا..... مادروا بيه الغرام أمضــه
وشعري البي رفض ويرددونه الناس
من خزرة اعيونج يستمد رفضـــــــــه
يل كلـّـج براءة وكلشي يلصف بيج
واتشوفج عيون الناس المْـغمـْـضه
الشارع بي صداع ايصير من تمشين
وطوله ايكَــوم يفتر يردم ابعُـرضه
و( أبو الطيـّـب ) يغض النظر جان ايكَــول
بس لو شاف طولج فنـّه..اذا..غضـّـه
المستشفى اذا من بابهه اتمرّيّــــن
عراضه لشوفتج تتظاهر المرضه
خط أحمر ..جمالج رِسَـم فوكَـ الكَـاع
وحظر تجوال ( خصرج ) وحـّــده ايفرضه
الفتنه( الطائفية ) عيونج الحلوات
عليهه احنه اختلفنه وبعد مانرضه
الامن مايستقر وتفرضه شرطه وجيش
بس بسلاح عينج نكَـدر انفرضه
والفوضه البالبلد مو من سياسيين
الفوضه البالبلد من شعرج الفوضه
كاعد ماي خدّج والهوى ايهز بي
ومن كَـد رقّـته بالهوه مايرضه
حظه بيج النده..بخدّج طبع نيشان
يلبعينج سحر ليل الله طش الشوكَـ
وانجومه اعله خدّج صاغهن فضـّـه
الحظ من يشوفج صدفه بين الناس
يلزم حظّـه بيده ..ايطيّـح ا بحظّــه
الشمس حتى الشمس من تسد باب الليل
تنزل على شعرج حتى تتوضـــــــــــــه
غلط ( احمد مطر ) ميخلّــده التاريخ
لئن عن لون خدّج ماكتب ومضه
قرضه امن الشمع بالظلمه نطلب نور
وانتي النور منّج يطلب القرضه
ولئن تعكس بياضج والبراءة البيج
وحّدهه..( المرايه ) اتكّـوم تتشظّــــه
(بالزي) من أشوفج كلّـــي اصيرن عين
وأفض كلشي امنديّـه وخلكَــي ما فضـّــه
مثل الظل وراج عيوني مصلوبات
ودرْب ( الجامعة ) خلّــــيت بي رضّــــه
وزير التربية لازم يحط اشروط
لنظام الجامعة ..وعالمجلس ايعرضه
وايصدّر قرار وكلهه تعمل بي
وتنصاع ( العمادة ) وتعمل ابوعظـــه
طولج من يمر ..يم الاستعلامات
عميد الجامعه يوكَـف ( صنم ) لحظه
وباب الجامعه من يمّـه من تمشين
(مدير القسم) لازم يركض ايكظّــــه
مو لجل العلم بالجامعه الطلاّب
على مودج تره الطلاّب.. مكتظـــــــــه
تدرس بالمناهج صدكَـ ليل انهار
لكن تمتحن برموشج اللمضـــــــــه
كَــراج الجامعه سنطه ويبجـّي العين
بس لمن تجينه اتصير بي ركضـــــــه
المحاضر بالدرس مايحفظ الموضوع
لئن ملتهي بحجيج رايد ايحفظـــــــــه
بالروضه خبر طش راح تتعينين
وعلى مودج زلم سجّــــلت بالروْضـــــه
مع تحياتي | |
|
amar_theknight
المدير العام
عدد الرسائل : 735
العمر : 36
تاريخ التسجيل : 21/12/2007
| | موضوع: رد: شعر ...الى طالبه الجامعه 2008-02-13, 03:52 | |
| رووووووووووووووعة القصيدة
تسلم خوية الغالي | |
|
المشلول
مشرف قسم التكنلوجيا
عدد الرسائل : 707
العمر : 40
العمل/الترفيه : النوم والحاسوب
المزاج : روحي طافرة
تاريخ التسجيل : 03/02/2008
| | موضوع: رد: شعر ...الى طالبه الجامعه 2008-02-13, 04:12 | |
| مشكووووووووور  | |
|
حيدر وتوت
نائب المشرف العام
عدد الرسائل : 1058
العمر : 33
تاريخ التسجيل : 14/02/2008
| | موضوع: رد: شعر ...الى طالبه الجامعه 2008-02-15, 13:26 | |
| | |
|
