حجي يلحك وحده بالسوق (يخرب ضحك)

سوك المخضر
هذا فد يوم واحد جان يدور على وحدة يحبه فراح يدور عليهه بسوك المخضر وراح تصير بيناتهم مساجلة
هو:
مثل تايه اجيت اسئل عليها بسوك المخضر
يسوك بنية كبل ايام مرت بيك تتبختر
يبوك من الطماطة لون خده وبسعر بشر
اليبيع البصل غازله يكوله البصل بعده اخضر
وبلاش المشمش نبيعه ونرخصه لخاطر الاسمر
وابو الجاي احترك جاية وطاح من الشكر واطشر
وابو الركي اختجل وكام من الركي يطيح ويتكسر
واني امشي وراهه واريد احجي ما اكدر
لون خانتني الجلمات وكامت بالحلك تتعثر
ثلث الوان صار بية احمر واخضر واصفر
كتله عمي انه من اهل ذي قار لجن ساكن البصرة
وحدي ساكن بصفكم واريد نطوخ العشرة
مو جلمة اطلعت مني جن اني كفرت كفرة
بعدين تندار عليه وتكوله
هي:
ما تكلي شبيك كل ساعة تجر حسرة
كلي هم جبرني الشوك الج يا حلوة يا سمرة
لو سحر عيناج حتى الحايط يدمرة
قديمه افلامكم كامت بعد ما تحجي فد مرة
واذا قصدك تقشمرني كبلك قشمرت عشرة
كراتي العب وجيدو واضربك عالوجه دفرة
ضعيف انت واخاف عليك وذراعك سهل كسرة
واذا ما تروح من يمي اعلكك بالسكف نشرة
هو:
عمي علكيفج ما يحتاج للجودو والطفرة
ولا للموس ولا للقامة والشفرة
شعندج بعد تنتظرين وجهي وخلقتي الزفرة
ههههههههههههههههههه
والله خطية هذا انضرب خوش بوري

ردودكم كما في كل مره

مشكور ياورد علئ الشعر الجملة