اريد اريح الكلب

محتاج اريح الگلب ..
ومحتاج اريح العين ..
وابچي اعله كيفي صدگ ..
كون واوفي الدين ..
مطلوب ياما دمع .. دمع اعله امي المشت ..
ودمع اعله ابويه المشة ..
ودمعي اعله عمري الگضة ..
وما ادري خلص وين ..
يا ثگل هم الگلب ..
خازن اهمومي عمر ..
مو كافي .. مو كافي صار سنين ..
ويا عين صرتي بحر ..
والموج بيچ ارتفع ..
خايف ولچ تعمين ..
محتاجه انتي البچي ..
وما يضر دوم الدمع .. مراته كلش زين ..
ومحتاج اريح الگلب ..
ومحتاج ون اسمع ..
لن شفت ماضل خوي ..
ولا صاحب الينفع ..
چانت الخوه گبل ..
تمشي بشعار الورد ..
ازرع ولا تقطع ..
بس للأسف شو صفت ..
خوتنه هذا الوكت ..
اقطع ولا تزرع ..
يا گلبي هاي البشر
مو كلها صدگ سوه ..
اشكال وك يا گلب .. كلسع شكل يطلع ..
وعفيه عليك الصبر ..
يا گلبي لا تجزع ..
الجمر هو جمر .. بالثلج خله اثر ..
لتگلي ما يلسع ..
يوسف بهذا الوكت ..
خواني گطعوا صدگ ..
بس الله ما يگطع

مشكوررررر حبي على مرورك

يسلم مرورك عيوني